गुरुवंदना
{चाल - आनंदाने पुसे पार्वती}
धाव धाव रे आता तवपदी दे ठाया।
निजकृपेची नौका
करुनी तारी रे गुरुराया॥धृ॥
दिवसामागूनी दिवस
चालले सकल आयुष्याचे
मदांध होऊनी नाही गाईले हरी गुण वाचे
भवसागरी संसारात बुडाले हे मन साचे॥१॥
धाव धाव रे ----- धृ
चुकले मुकले बघुनी
सर्व विषय वैभवाचे
अवघे गुण सर्वही
मानले विषय-शाश्वतेचे
नाही पुजिले गेले
क्षण वाया आयुष्याचे॥२॥
धाव धाव रे ---- धृ
काही आठवले मनी
कळे भजन करु हरीचे
कर धरुनी शरण रिघुनी अनन्य भावे साचे
विषय त्यजूनी या
देही गुण गाऊ प्रभूचे॥३॥
धाव धाव रे ---- धृ
तल्लीन होऊन भक्तीने गुण गाऊ संतराया
कृपाप्रसादे प्रसन्न
चित्ते असू दे तव छाया
दे मज शक्ती बोल राधेचे तव गुण गाया ॥४॥
धाव धाव रे ---- धृ
------ कवयित्री कै. राधाबाई आठवले
No comments:
Post a Comment